《填詞L》

｢帶著你嘅夢想去睇呢部戲。」

《填詞L》嘅故事以一張參賽表格同兩個搞怪少女展開序幕，將女主羅穎詩追逐填詞夢嘅過程同挫折都展現出嚟。從學生時期因為年少懵懂而憧憬以後自己一定可以成為有名嘅填詞人，到大學開始認真思考人生路向為未來爭取機會，直到屢受挫敗漸漸向現實低頭外出散心，以開放式結局完結。情節有梗且貼地，有助引起對於自己不同時期所經歷嘅共鳴。而當中有關於理想和現實嘅落差同探討，令觀眾有更深一層嘅反思。

寫完又刪，刪完又寫，正是我寫緊呢篇文章嘅狀態。一切就如片中女主鍾雪瑩飾演嘅羅穎詩初初開始學填詞一樣：迷茫、無助、無方向點寫都唔對路咁。當我為文章進一步思考嘅時候，其實羅穎詩又何嘗唔係某些逐夢人嘅縮影？填詞、做電影、玩藝術一切帶著不穩定因素嘅產業或興趣放眼現實可謂毫無立足之地。市場需求仍然會有卻始終不會被看好，在現實眼中一切都係理想主義嘅產物或大夢一場。「只要有恆心，鐵柱磨成針」我地不顧旁人勸說反對，一心為自己嘅夢想拼搏同增值自己，到頭來又有無人會看好呢支針呢？

成功嘅例子千千萬萬，但背後失敗嘅例子遠比成功嘅要多。喺呢個現實行先、資本為重嘅社會，我地嘅夢想價值又有幾多呢？無處安放嘅理想四處漂流係不同人嘅腦袋入面，捉緊又鬆手，嚮往又回避，邁步又卻步。作為青少年評審受邀參加《填詞L》嘅「宇宙首映」，回家路上突然發現紀念票根不翼而飛。對此我已經麻木，反而希望張票根可以越飄越遠，離開呢片埋葬夢想現實主義嘅土地，去往一片可以令夢想肆意生長、萌芽嘅地方去。

撰文：梁諾詩

《填詞L》喺亞洲電影節閉幕禮完成佢嘅宇宙首映。雖然佢係2024年先正式上映，但佢好睇到要拎出嚟講。《填詞L》講嘅嘢好簡單：一個填詞人嘅故事，阿詩由中學就想做填詞人，一步步走過嚟嘅故事。你睇《填詞L》開頭，你會以為佢係一套笑片，可以放鬆心情嚟睇，但佢最吸引嘅係會令你笑笑下喊。

一開始，阿詩對填詞有興趣，就喺學校填詞參加表演。當你以為佢可以踏出第一步成為一個填詞人，但就如天氣不似如期，阿詩都係表演唔到佢俾心機作嘅詞。到後來，佢嘅最好朋友都因為唔同人生選擇而冇繼續填詞，大個之後依然有重重障礙，但都冇放棄。聽上去好似好老土，但橋唔怕舊最緊要受。呢套電影最令人心動嘅原因正正係因為佢所描述嘅一切係我哋會經歷嘅嘢，例如：俾老師鬧、俾人話你做唔到、同好好嘅朋友分道揚鑣。雖然好似好普通，但當呢啲微不足道、普通嘅事投放係螢幕到，會令大家開始臆想、想象自己身處其中到底有咩感受。

其實今次做到評審，我覺得好慶幸。多謝香港亞洲電影節提供個機會俾大家認識唔同地方嘅電影，知道更多人嘅故事。亦令我可以識到有同樣嘅興趣嘅新朋友。雖然可能喺未來大家走嘅方向好唔同，但今次嘅經歷同回憶會一直留喺我心入面。

撰文：楊啟桐

我想介紹閉幕電影《填詞L》。

首先是開頭：以動畫來描繪場景，加入設計來玩中文諧音令我回到小學那段天真無邪，無須煩惱的時光，用動畫來開頭我認為是近年本地電影中比較新穎的一種嘗試。然後是結構，結構非常紮實，大多角色得到塑造，令故事顯得更真實。當我在觀看時也感覺到故事中的世界非常立體，可見劇本非常優秀。單論結構，我甚至認為《填詞L》比《年少日記》及《白日之下》更勝一籌。接著是劇情，開頭的中文諧音已經令我十分驚喜，想不到接下來女主角收穫愛情的那一瞬間居然會變成九十年代粵語金曲的4：3畫面比例，並壓縮了和調色成CCD質感，可以令觀眾集中視線，同時給觀眾又一個驚喜，可謂一石二鳥。最後，《填詞L》帶給我對未來的重新思考。當時轉校到這間學校，只是憑著一股衝勁，看完《填詞L》之後，靜下來，理性地思考著這一股衝勁的未來，我才發現，我真係好L鍾意電影啊啊啊啊啊啊！

撰文：薛宇康