縱觀成個「青少年評審」觀影活動之中，最令我印象深刻嘅電影莫過於《河邊有石頭》。對於我嚟講，由細到大都生活喺繁華嘅鬧市裏面，再加上長期浸泡喺補習社之中，外出見識世界嘅機會可以話喺少之又少，對於郊區生活嘅理解，基本上都係喺其他人口中得知，簡單嚟講就係「慢」同埋「悶」。當我第一次聽到《河邊》嘅時候，我就已經立刻將呢個刻板印象加諸咗喺呢套戲身上，果然不出我所料，《河邊》係一套好慢嘅戲，之但係佢一啲都唔悶。以前嘅我根本冇諗過區區幾舊石頭都可以攞嚟玩，更莫講係玩足成日，而《河邊》就話畀我聽，唔係舊石唔好玩，而係我唔肯去玩。近年來，唔同類型嘅影音平台相繼崛起，其中，以短影音為主軸嘅平台更係風靡一時，生活節奏急速嘅城市人，經常會想喺最短嘅時間內獲得最多嘅「快樂」，之但係，當你可以不斷喺一啲15至60秒嘅短片裏面獲得快感嘅時候，嗰啲又係唔係叫快樂？抑或只係感官上嘅刺激？你又會唔會可以喺第二朝早起身嘅時候記得呢種快樂？當然就唔係話要好似《河邊》入面玩石頭玩全日，但係減慢一下自己嘅生活節奏，多啲留意下周邊嘅事物，未嘗唔係一個好嘅開始，相信咁樣得到嘅快樂，比起一條15秒嘅短片，一定嚟得更深刻同埋持久。
撰文：鄧曉宇
《河邊有石頭》拍出了陌生人之間的社交邊界怎樣被劃破。例如，在女主角偶遇片石頭的男主角之前，剛從東京來到郊外的她，突然被一群小朋友邀請一起踢足球。他們相隔的距離頗遠，小朋友要大聲呼叫女主角才能聽到他們的聲音。在得知小朋友尚欠一人來開始足球遊戲後，女主角才下放困惑，投入與小朋友玩樂中。
導演加入這段戲一來可以表達出女主角的社交邊界，怎樣被來自郊外的人劃破，二來，是拍出成人回到小孩的純粹玩樂狀態。而導演在女主偶遇男主前，加入這段踢足球的戲，亦準確地開啟人與人之間在郊外的社交枷鎖被打破後，回到純粹簡單的相處狀態。亦可以讓觀眾用踢足球的這場戲，與接下來男女主角的相處作參考。
電影在呈現男女主角於郊外遊玩的部分時，雖然鏡頭的移動及主角的步伐都是慢速的，但拍出來的影像並未令人感到十分沉悶，是因畫面中的顏色和燈光呈現得舒適，以及使用平靜的冥想音樂作為配樂，有助觀眾進入兩位主角在郊外步行的放鬆心情。同時，長鏡頭增加了身臨其境的效果，加上電影也會用固定鏡頭來拍攝靜態的大自然畫面，例如潺潺流水、石頭和樹木，讓觀眾沉靜於郊外世界之餘，同時得到觀察自然的機會。
雖然這部電影的立意單一，用將近兩小時的篇幅來呈現樂在自然的狀態和充滿偶然的經歷，但這部電影為觀眾帶來的放鬆感，足以蓋過這部電影某些情節中不明所意的扣分位。
撰文：林浩怡
